Elimu inahitajika kuondoa mpasuko wa taifa kuhusu mahakama ya kadhi.

tiko tiko

Mbunge wa ludewa Mhe.Deo Filikunjombe amesema elimu zaidi inahitajika kuwaunganisha watanzania kuondoa mpasuko uliojitokeza wakati wa mchakato wa katiba mpya na mapendekezo ya muswaada wa sheria ya kuridhia kuanzishwa kwa mahakama ya kadhi hapa nchini.

Mheshimiwa Filikunjombe ametoa ushauri huo katika salamu zake za pasaka alipohudhuria ibada ya sikukuu ya pasaka katika kanisa la Aglikana na kanisa katoliki parokia ya mavanga wilayani ludewa.

 

Amesema kabla ya kufikia uamuzi wa kupitisha katiba inayopendekezwa na kuruhusu mahakama ya kadhi,elimu inatakiwa kutolewa kwa makundi  ya jamii wakiwemo viongozi wa dini, serikali na wabunge kutokana na kutofautiana kimtazamo juu ya kuanzishwa kwa mahakama hiyo na katiba inayopendekezwa ili kujenga taifa lenye umoja na kuvumiliana bila kujali tofauti ya msingi ya dini,kabila na itikadi za kisiasa.

 

Kiongozi wa kanisa katoliki parokia ya mavanga Padre Gafred Mwanyika amesisitiza umuhimu wa kudumisha upendo na utayari wa kujitolea kuchangia na kusaidia wahitaji na wasiojiweza huku kiongozi wa kanisa la agrikana mtaa wa mavanga Padre Faraja Mapunda akihimiza wananchi kujiandikisha kwa wingi katika Daftari la wapiga kura ili waweze kuwachangua viongozi waadilifu na wanaojali maslahi ya taifa katika uchaguzi mkuu unaotarajia kufanyika mwezi Oktoba Mwaka huu.

tiko tiko

Irene Mchokozi

Filed Under: HABARI