tiko
tiko
Na Conges Mramba Shinyanga
Shinyanga Mjini ni moja kati ya wilaya nane zinazounda Mkoa wa
Shinyanga. Shinyanga Mjini imepakana na Mkoa wa Mwanza upande wa
Kaskazini, Mashariki kuna Wilaya ya Kishapu na Magharibi kuna Wilaya ya
Kahama. Pia ni jimbo la uchaguzi linaloongozwa na Mheshimiwa Stephen
Masele kwa tiketi ya Chama Cha Mapinduzi (CCM).
Mheshimiwa Stephen Masele.
Wiki iliyopita, Uwazi lilifunga safari mpaka kwenye jimbo hilo na
kuzungumza na wananchi wa kata mbalimbali zikiwemo Chamaguha,
Ibinzamata, Kambarage, Kitangili, Kolandoto na nyinginezo ambapo
walieleza matatizo mbalimbali yanayowakabili.
MATATIZO YA WANANCHI
Katika ziara hiyo, Uwazi lilibaini matatizo mbalimbali yanayowakabili wananchi wa jimbo hilo, kubwa ikiwa ni uduni wa huduma za kijamii zikiwemo huduma za afya, uhaba wa maji safi na salama, uhaba wa madarasa na vifaa vya kujifunzia, ukosefu wa madawa katika hospitali, miundombinu mibovu na upungufu wa walimu na maabara kwenye shule za sekondari.
Katika ziara hiyo, Uwazi lilibaini matatizo mbalimbali yanayowakabili wananchi wa jimbo hilo, kubwa ikiwa ni uduni wa huduma za kijamii zikiwemo huduma za afya, uhaba wa maji safi na salama, uhaba wa madarasa na vifaa vya kujifunzia, ukosefu wa madawa katika hospitali, miundombinu mibovu na upungufu wa walimu na maabara kwenye shule za sekondari.
“Huduma za afya katika hospitali yetu ni za mashaka na usipokuwa makini
unaweza kufa, unaenda hospitalini unapimwa tu halafu unaambiwa dawa
ukanunue madukani, hata kama una bima ya afya haisaidii chochote,”
alisema Rozina Maduhu, mkazi wa Shinyanga Mjini.
“Shuleni kwa kweli tunasoma kwa tabu sana, hakuna madawati ya kutosha,
walimu hasa wa masomo ya sayansi hakuna yaani ni shida kwelikweli, ndiyo
maana tunafeli,” alisema Anastazia Kamwela mwanafunzi wa shule moja ya
sekondari jimboni humo.
“Yaani huku kwetu barabara nzuri ni hii inayoenda Mwanza tu, ukiingia
huko ndanindani hali ni mbaya sana hasa mvua zikinyesha, tunaomba mbunge
wetu atimize ahadi alizotoa wakati akiomba kura,” alisema Bright Mgeja,
dereva wa bodaboda.
Tatizo lingine ambalo Uwazi lililibaini ni ukosefu wa ajira hasa kwa
vijana. Fulgence Mafuru, mkazi wa Kolandoto alisema: “Kero yetu sisi
vijana ni ukosefu wa ajira. Tunajua ajira hakuna serikalini lakini
tunapotaka kujiajiri, tunakwamishwa na miundombinu mibovu ya barabara na
ukosefu wa mitaji.
Baada ya kusikia kero hizo, Uwazi lilimtafuta mheshimiwa Masele ambapo
mwandishi wetu alifika mpaka ofisini kwake na kumkosa huku namba zake
zote alizoorodhesha kwenye mtandao wa Bunge la Jamhuri ya Muungano
zikiwa hazipatikani hewani. Juhudi za kumtafuta zinaendelea ili ajibu
kero za wananchi wake.
-GPL
tiko
tiko
Post a Comment