Mpango wa Kumuua Dr. Slaa: Upepo umebadilika.......Usalama wa Taifa Hawahusiki, Kiama Chawarudia CHADEMA Wenyewe

tiko tiko

JESHI la Polisi kanda Maalum ya Dar es Salaam limekanusha kuhusika kwa Idara  Usalama wa Taifa katika mipango ya kutaka kumuua Katibu mkuu wa chama cha Demokrasia na Maendeleo CHADEMA, Dokta Wilbroad Slaa.

  Kauli ya jeshi la polisi kanda hiyo ni kama  inamjibu Mjumbe wa kamati kuu ya CHADEMA (CC), Mabere Marando ambaye katika taarifa yake kwa vyombo vya Habari alimtuhumu Naibu mkuu wa idara ya Usalama mkoa wa Kinondoni Elisifa Ngowi kuandaa mipango miovu kwa dokta Slaa akishirikiana na Mlinzi wa Katibu huyo bwana Khalid Kagenzi pamoja na Makumu mwenyekiti wa Chama cha Mapinduzi CCM Tanzania Bara,Philip Mangula.

  Akikanusha taarifa hizo leo Jijini Dar es Salaam,Kamishna wa Polisi Kanda maalum ya Dar es Salaam,Suleiman Kova wakati na mkutano na vyombo vya Habari amesema Jeshi hilo limefanya uchunguzi wakina ikiwemo kuchukua taarifa upande wa chama cha Chadema na Mlinzi wa Dokta Slaa na kubaini hakuna ukweli idara ya Usalama wa Taifa kuhusika.

  “Tumefanya uchunguzi wa  kina ikiwemo kuwahoji watu wote wanaotuhumiwa .Tumebaini kwa dhati kabisa hakuna mtu yeyote wa usalama wa Taifa aliyehusika katika mipango ya kumdhuru Dokta Slaa", Amesema Kamishna Kova.

  Kamishna Kova ameongeza kuwa kwa sasa bado wanaendelea na uchunguzi wa suala hilo na uchunguzi ukikamilika watafawakisha wahusika  wote  mahakamani bila  kumwogopa mtu yeyote.

  Katika hatua nyingine, Jeshi hilo linawashikiria watu wawili wanaojiita  viongozi wa watu waliopata mafunzo ya mgambo kwa kosa la kuratibu na kuongoza vikao vya uchochezi vya mgambo dhidi ya serikali.

  Kamishna Kova amewataja watuhumiwa kwa majina kuwa ni  Mathias lubega miaka 43,mkazi wa Bunju ambaye amekamatwa maeneo ya Mission Pup huko Mbagala Mkoa wa Polisi Temeke.

  Wa pili ni Mohamed  Ally miaka 38 naye pia ni mkazi wa Mbagala .

  Mbali na kuwakamata watuhumiwa hao,kamishna Kova alithibitisha kuwa jeshi hilo katika msako wake mkali limefanikiwa kukamata  noti bandia za dolla za kimarekani zipatazo 426 ambapo noti 36 ni za dolla 100 na noti 390 ni za dolla 50.

  Kamishna kova pia aliwataja kwa majina watuhumiwa ambao pesa hizo zilikutwa kwao kuwa ni Ramadhani Mhambo miaka 34,mkazi wa Mwanayamala jijini Dr ,Eliazr Jackob Nkurarumi na Juma Mohamed mrundi miaka 25 ambaye ni mlinzi  wa Colombia Hoteli.

Mbali na watuhumiwa hao, Kamishna Kova aliwataja watuhumiwa wengine kuwa ni Rajabu Nassor miaka 30 ambaye ni fundi simu,Mkazi wa mwananyamala kwa sindano ambapo wote wakuwa kwenye makazi yao walikutwa na fedha hizo bandia.

TUPE MAONI YAKO TUNAOMBA UUNGANE NASI KATIKA PAGE YETU YA FACEBOOK HAPA CHINI. BOFYA "LIKE" KAMA BADO HUJA LIKE!!!.

WAIONAJE HII...TUPIA MAONI YAKO HAPA!

tiko tiko

Irene Mchokozi

Filed Under: HABARI