Kauli ya kwanza ya Luis Figo kuhusu Ronaldo na Messi hii hapa

tiko tiko

Makocha, wachezaji, watangazaji na wadau wengine wa soka ulimwenguni wamekuwa wakitoa kauli tofauti kuwajadili wachezaji bora kabisa katika miaka 10 iliyopita Cristiano Ronaldo na Lionel Messi.
Leo kwa mara ya kwanza mwanasoka bora wa dunia wa zamani na mchezaji wa zamani wa vilabu vya FC Barcelona na Real Madrid – Luis Figo amezungumzia uwezo wa wanasoka hao wawili ambao baadhi ya wadau wanawataja kuwa ni wanasoka bora kabisa katika kizazi hiki.
Figo ambaye ni nahodha wa zamani wa Timu ya taifa ya Ureno anasema kama angekuwa kocha basi angependa kumsajili aidha Lionel Messi au Cristiano Ronaldo, “Wawili wale ni wachezaji ambao wamewazidi wenzao kwa umbali kidogo.
‘Lakini mimi nilibahatika sana kucheza na wachezaji bora kabisa – wa timu nilizochezea na hata kutoka timu pinzani – wachezaji ambao kwa hakika walikuwa bora zaidi kuwashinda Cristiano na Messi.”
Pia Figo ametoa ubashiri wake kuhusu nani atatwaa ubingwa wa ulaya msimu huu.
“Champions League? Huu utakuwa mwaka wa aidha Real Madrid, Barca, Bayern, Chelsea…”

tiko tiko

Irene Mchokozi

Filed Under: MICHEZO