AHAMISHWA NA WANANCHI WENZAKE KWA TUHUMA ZA KUTISHIA KUMUUA MKEWE HUKO WILAYANI KAHAMA

tiko

Kama Bado Hujajiunga Nasi, Unaweza Kujiunga Hapa Nikutumie Habari Moja Kwa Moja ..Bofya HAPA ULIKE PAGE YETU!..

Mkazi wa kitongoji cha Sofi kijiji cha Mhongolowilayani Kahama Mkoani Shinyanga, aitwae Juma Ramadhan amenusurika kuuawa na wananchi wa eneo hilo, kwa madai kuwa wamechoshwa na vitisho na vitendo vya kihalifu anavyovifanya kwa jamii inayomzunguka.

Akizungumza na DUNIA KIGANJANI ofisini kwake afisa mtendaji wa mtaa wa Mhongolo Ally Manyama amesema wananchi kufikia hatua hiyo kumetokana na vituko vya kihalifu ambavyo mtuhumiwa amekuwa akivifanya ikiwemo kutishia kumuua mke wake.

Tarifa ambazo hazijathibitishwa zinadai kuwa mtuhumiwa amehamishwa katika eneo hilo na wananchi hao kwa kuhofiwa kuwa huenda akafanya mauaji ya kishirikina kwani anahisiwa kuwa ni mchawi.

Manyama amesema baada ya serikali ya mtaa kuingilia kati suala hilo tayari wananchi wa eneo la Sofi wamechukua uamuzi wa kumfukuza mtuhumiwa katika eneo hilo wakihofia kutokewa na vitendo ambavyo vimekuwa vikisemwa na mtuhumiwa.

Akielezea tukio hilo mmoja wa wananchi wa eneo hilo John Masalu amesema ni muda sasa wamekuwa wakipokea taarifa za vitisho toka kwa mtuhumiwa hivyo wamefikia uamuzi wa kumuhamisha katika eneo hilo.

Kwa upande wake mtuhumiwa Juma Ramadhan amekana kutoa vitisho vya kumuua mke wake na kusema haelewi chanzo cha jamii kumshambulia mpaka kumfukuza katika eneo hilo, na kwamba amekubaliana uamuzi huo wa kuhamishwa.

Hata hivyo uongozi wa serikali ya mtaa wa Mhongolo kupitia kwa afisa mtendaji Manyama, umeahidi kulifikisha suala hilo katika vyombo vya dola wilayani Kahama ili taratibu stahiki ziweze kuchukuliwa.