WITNESS: OCHUNESS TUNAJIMENEJI WENYEWE

tiko tiko

LEO hii kwenye Live Chumba cha Habari cha Global Publishers tunaye mwanadada muimbaji anayefanya vizuri katika soko la muziki wa Hip Hop, Witness Mwijage ambaye alikuwa akiunda Kundi la Wakilisha kipindi cha nyuma ambapo aliambatana na mzazi mwenzie msanii wa Bongo Fleva, Ochu Sheggy.

Msanii wa Muziki wa Kizazi Kipya, Witness Mwijage (kushoto), akiwa katika pozi na mchumba wake Ochu Sheggy, muda mfupi baada ya kuwasili katika studio za Global TV Online, Bamaga-Mwenge jijini Dar.

Katika mahojiano na safu hii ambayo huwa inarushwa kupitia Global Tv Online kwenye Kipindi cha Mtu Kati, Witness alisema kwa sasa yeye na mzazi mwenzie wameunda kundi lao linalojulikana kwa jina la Ochuness ambalo ni muunganiko wa Ochu na Witness (ness)  na kuongeza kuwa amejifunza kuimba.

Mwandishi: Witness nini kilisababisha kundi lenu la Wakilisha kuvunjika?Witness: Kundi letu lilikuwa na watu watatu nikiwemo mimi, Sarah Kaisi ‘Shaa’  na marehemu, Langa Kileo, kilichotufanya tukasambaratika ni kutokana na menejimenti tuliyokuwa nayo ya Coca Cola. Wale walikuwepo hapa nchini wakitokea Afrika Kusini ambapo lengo lao lilikuwa kuondoa vijana wa mitaani na kuinua vipaji vya wanamuziki wachanga. Muda wao ulivyokwisha na mkataba wetu kama washindi ukaishia pale.

...Wakiimba moja ya wimbo walioshirikiana kwenye moja ya 'project' zao.

Mwandishi:  Ulikutana na mzazi mwenzio, Ochu katika mazingira gani?
Witness: Tulikutana katika mazingira ya studio lakini kabla ya hapo Ochu aliniambia alikuwa akiniona kwenye runinga katika mashindano ya Coca Cola Pop Star na aliwahi kumwambia mama yake kuwa ipo siku atakuja kunioa, lakini tulikuja kukutana tena studio kwa mara nyingine baada ya miaka mingi kupita ndiyo tukawa wapenzi na mpaka leo hii tunaishi pamoja kama mke na mume japo hatujafunga ndoa.

Mwandishi:  Vipi, mipango yenu kuhusu ndoa?
Ochu: Siwezi kufunga ndoa kabla sijajikamilisha kimaisha, mfano kuna vitu vyangu mimi navihitaji naomba Mungu pia huenda visipatikane sasa nitakaa bila kuoa, itanibidi nioe lakini mtu anapoamua kuoa  ina maana tayari ameshajipanga na ana kila kitu sasa unakuta mtu anakuletea zawadi ya kabati au sofa hawazi kama kuna maisha mengine baada ya ndoa, angalia ndoa iliyofungwa baada ya mwezi mmoja utakuta wanandoa wamefulia.

Mwandishi:  Sasa hivi mmeamua kufanya kazi pamoja ni changamoto gani ambazo mnakumbana nazo?
Witness: Tunapotaka kwenda kwenye shoo yoyote ile huwa tunakumbushana kuwa huko tunakokwenda anaweza akatokea mtu wa namna hii au ile kwa sababu tu hajawahi kukuona laivu huwa anakuona kwenye runinga basi anaona pale ndiyo mahali pa kumalizia dhamira yake.

...Wapenzi hao wakiwa katika pozi.  

Ochu: Menejimeti wanazopata watoto wa kike haziwi kikazi zaidi ndiyo maana unasikia meneja kamfukuza msanii kwa sababu tu siku mbili, tatu simu za mambo mengine nje ya muziki zilizidi na siyo muziki tena. Nakumbuka kuna siku ilitokea nikiwa jukwaani ghafla mdada mmoja alipanda na kuanza kunishikashika mara mabusu shingoni nikaona mama (Witness) hanipi ushirikiano tena kama ilivyokuwa mwanzo matokeo yake akabaki kuwa mlinzi tu. 

Mwandishi: Hivi sasaw tunawaona mmekuwa kitu kimoja (Ochuness). Je, mnatarajia kuja kuwa na meneja katika kazi zenu?Witness: Ni kweli sasa hivi tunafanya kazi pamoja kama kundi lakini kwenye suala la menejimenti tunajimeneji wenyewe katika kundi letu la Ochuness lakini kama kuna mtu anataka kunimeneji mimi Ochu ruksa.Mahojiano kamili tembelea www.tabasamunadaniel.blogspot.com

tiko tiko

Irene Mchokozi

Filed Under: BURUDANI