Jeshi la Polisi limefanikiwa kukamata silaha aina ya SMG 29 pamoja na mabomu matatu mkoani Tanga

tiko tiko

Jeshi la Polisi mkoani Tanga limefanikiwa kukamata silaha aina ya SMG yenye risasi 29 pamoja na mabomu matatu ikiwa ni sehemu ya silaha mbili walizoporwa askari Polisi waliokuwa doria mwezi januari mwaka huu ambazo walinyang'anywa na vikundi vya uhalifu ambavyo vilikuwa vimeweka kambi maalum katika eneo la mleni maji moto lililopo amboni jijini Tanga.

Kaimu kamanda wa polisi mkoani Tanga Bwana Juma Ndaki amesema mtuhumiwa aliyekutwa na silaha hiyo ambaye jina lake linahifadhiwa kwa sababu za kiupelelezi alikamatwa katika eneo la kabuku lililopo barabara kuu ya Chalinze -Segera ndipo alipobanwa na kukiri kuwa yeye na kundi lake wameficha silaha yenye namba 14303545 katika mapango ya amboni iliyokuwa ikikutumika katika operesheni iliyokuwa ikifanywa na vikundi vya uhalifu.

 

Katika hatua nyingine ya kukabiliana na makundi ya uhalifu kutoka ndani na nje ya nchi, idara ya uhamiaji wilayani Lushoto imewaaagiza wananchi kutoa taarifa kwa mamlaka husika endapo wataona baadhi ya wageni kutoka nchi jirani ya Kenya wakiingia nchini kupitia njia za panya kufuatia baadhi ya wageni kudaiwa kupitisha silaha na kuingia nazo nchini kinyume cha sheria.

 

Kufuatia hatua hiyo mkuu wa wilaya ya Lushoto Bibi Mariam Juma ambaye yeye na kamati yake ya ulinzi na usalama alikuwa akigawa hati za kusafiria kwa watu watano waliopewa na idara ya uhamiaji amewagiza viongozi wa serikali kuimarisha ulinzi na usalama katika maeneo yao na akawataka waliopewa hati za kusafiria kuzitumia kwa malengo yaliyokusudiwa kufuatia baadhi ya watanzania kujiingiza katika vitendo vya usafirishaji wa dawa za kulevya.

tiko tiko

Irene Mchokozi

Filed Under: HABARI