MKUU WA WILAYA NA WAKURUGENZI WAKE WAWILI MUFINDI WAFIKISHWA KORTINI NA TAKUKURU

tiko tiko

 

Taasisi ya kuzuia na kupambana na rushwa Takukuru mkoani Iringa imewafikisha mahakamani mkuu wa wilaya ya Mufindi mkoani humo Bibi Evarista Kalalu, mkurugenzi wa halmashauri ya Mtwara mikindani Limbakisye Shimwela pamoja na mkurugenzi wa halmashauri ya Biharamulo mkoani Kagera Bwana Nasib Mbaga wakishitakiwa kwa makosa sita ikiwemo matumizi mabaya ya mamlaka.

Washtakiwa waliofikishwa mbele ya hakimu mfawidhi wa mahakama ya wilaya hiyo Victoria Nongwa ni pamoja na mkuu wa wilaya  Kalalu, alitekuwa mkurugenzi wa halmashauri ya mufindi Limbakisye Shimwela ambaye kwa sasa yupo Mtwara Mikindani, aliyekuwa afisa mipango Nassib Mbaga ambaye sasa ni mkurugenzi mtendaji wa Biharamulo, mhandisi Cosmas Mduda, na mkandarasi Fredrick Msimbwa. 

Mwendesha mashataka wa Takukuru Imani Nitume amedai mbele ya hakimu mkazi mfawidhi wa mahakama hiyo ya wilaya ya Mufindi Victoria Nongwa kuwa washatakiwa hao walitenda kosa hilo kati ya Decemba 2010 na February 2011 huku wakijua kufanya hivyo ni kosa ambapo walikula njama ya kula rushwa kinyume na sheria ya Takukuru na sheria ya manunuzi ya umma na kuingi mkataba wa ujenzi wa vyoo, mabafu na mfumo wa maji na kusababishai halmashauri hiyo hasara ya shilingi milioni tatu. 

Washatakiwa hao wote wamekana mashitaka hayo na wapo nje kwa dhamana ya shilingi milini moja kila mmoja wakidhaminiwa na wadhamini wawili kila mmoja

TOA MAONI YAKO HAPO CHINI KUHUSU HABARI HII

tiko tiko

Irene Mchokozi

Filed Under: HABARI