UTAMU WA BELLA VALENTINEÍS DAY KESHO HUU HAPA!

tiko tiko

HATIMAYE ile siku iliyokuwa ikisubiriwa kwa hamu na wapendanao wote ‘Valentine’s Day’ imefika ambapo kesho ndani ya Uwanja wa Taifa wa Burudani, Dar Live uliopo Mbagala-Zakhem, jijini Dar kutafuka moshi wa burudani kutoka kwa wakali wa mapenzi, Christian Bella ‘Obama’ pamoja na Mfalme Mzee Yusuf.

Bella akitoa vionjo vya wimbo wa 'NANI KAMA MAMA' kwa wanahabari.

Good newz kwa wapendanao ni kwamba mkali wa masauti, Christian Bella ‘Obama’ amefungukia utamu kamili atakaoutoa kwa wapendanao wote watakaofika katika kiwanja hicho cha kijanja cha burudani.
Katika makala haya Bella anajieleza zaidi;

AUTAJA WIMBO ATAKAOUZINDUA KESHO
Kuonyesha kuwa utakuwa usiku wa wapendanao ndani ya kiwanja hicho, Bella amepanga kutoa sapraizi ya aina yake kwa mara ya kwanza tangu mwaka huu uanze kwa kuzindua wimbo wake mpya unaotambulika kama Nashindwa.

“Baada ya kubamba na wimbo bora wa mwaka, funga mwaka ambao ni kama wimbo wa taifa kila kona wa Nani Kama Mama, wapendanao wote waje kwa wingi kuusikia wimbo wangu mwingine na mpya kabisa wa Nashindwa. Ni wimbo mtamu wa mapenzi na ndiyo maana nimepanga kuuzindua kwa mara ya kwanza ndani ya Dar Live pekee. Baada ya kuutoa wimbo huo mashabiki wajiandae kwa video kali nitakayoitengenezea Afrika Kusini,” alisema Bella.

Christian Bella (kulia) akijibu baadhi ya maswali ya wanahabari (hawapo pichani) kuhusu maandalizi ya shoo yake ya Valentine kwenye Ukumbi wa Dar Live.

KUPIGA STORI NA WAPENDANAO
Haijawahi kutokea kwa staa yeyote Bongo, kabla ya shoo kupiga stori mbili-tatu na mashabiki wake lakini kwa Bella itakuwa hivyo kwa mara ya kwanza.“Nitafika mapema sana na bendi yangu ya Malaika Music maalum kwa wapendanao kwa ajili ya kujuana nao. Nitaruhusu maswali ambapo nitayajibu yote, tutasalimiana na kubadilishana namba za simu ili tujuane zaidi.”

KUPIGA PICHA NA WAPENDANAO
“Utakuwa ni usiku wa kihistoria, nitakuwa nikipiga picha za kumbukumbu na wapendanao wote katika ‘red carpet’. Njoo umependeza, njoo na mavazi maalum ya wapendanao tufurahie kwa pamoja, tuweke kumbukumbu ya pamoja.”

KULA NA WAPENDANAO
Mbali na burudani, wapendanao watapata nafasi ya kupata vyakula mbalimbali, nyama choma, vinywaji na vingine vingi.“Njoo na mama yako, njoo na mpenzi wako, njoo na watoto hiyo yote ni kuonyesha upendo kwa wapendanao. Nitahakikisha nakaa nao pamoja, tunakula na kunywa pamoja.”

KUFUNIKA JUKWAA
“Siyo kama najisifia! Hapana, ila ukizungumzia kati ya wasanii wote Bongo iwe ni wa Taarab, Dansi, Bongo Fleva, Vigodoro ama muziki wowote, hakuna msanii ambaye anafunika jukwaani kama mimi. Nikipanda tu jukwaani nasomba mashabiki wote, hata kama walikuwa wamelala, wapo mbali wote wanahamia kwangu na kuimba nao pamoja. Wapendanao wajiandae kwa kufanya maajabu ya aina yake jukwaani.”

X-Bass Babu Bomba na Christian Bella katika pozi ndani ya GPL.

KUPIGA ZOTE KALI
Bella amewahakikishia wapendanao watakaofika ukumbini hapo kusikia ladha ya mapenzi usiku huo.
“Kwanza mashabiki waje kwa wingi, pili nitakuwa na bendi yangu ya Malaika Music kwa kazi moja tu, ya kukamua nyimbo zote kali za kimapenzi. Itakuwa ni weka wimbo wa mapenzi toa wimbo.

Tutapiga zote kali kama vile Msaliti, Nakuhitaji, Safari Siyo Kifo, Yako Wapi Mapenzi, Nani Kama Mama na nyingine nyingi.”Burudani itanoga zaidi kwa wapendanao baada ya Mfalme Mzee Yusuf akiwa sambamba na kundi lake la Jahazi Modern Taarab kupanda jukwaani kukamua.

Kama kawaida ya Jahazi ambao wamekuwa juu kwa kipindi kirefu kunako muziki wa Taarab ambapo hadi sasa hawana mpinzani, usiku huo wa wapendanao watapiga nyimbo zao zote kali za mapenzi kama vile, My Valentine, Wapendanao, Wasiwasi Wako, Tiba ya Mapenzi pamoja na hii ambayo ni habari ya mjini kwa sasa, Mahaba Niue.

TOA MAONI YAKO HAPO CHINI KUHUSU HABARI HII

tiko tiko

Irene Mchokozi

Filed Under: BURUDANI