Siku za Fernando Torres kutambulishwa kama mshambuliaji wa Ac Milan
na Chelsea zinazidi kukaribia kufikia mwisho baada ya usajili wa
mchezaji huyo ndani ya timu yake ya zamani ya Atletico Madrid kukamilika
.
Tayari makubaliano baina ya pande zote zinazohusika yamefikiwa na
kilichobaki na kwa mikataba rasmi kutiwa saini na inatarajiwa kuwa mpaka
kufikia tarehe 30 ya mwezi huu Torres ataanza kufanya mazoezi na kikosi
cha Diego Simeone.
Chelsea imekubali kumruhusu Torres kuondoka bure.
Usajili wa Torres ulianza kuiva baada ya klabu inayommiliki ya
Chelsea kukubali kumruhusu mchezaji kuondoka bure hali iliyomfanya awe
mchezaji kamili wa Ac Milan ambayo kwa upande wake ilikubali kumbadili
na mshambuliaji wa kimataifa wa Italia Alesio Cerci ambaye anacheza
Atletico Madrid.
Fernando
Torres alicheza kwa kiwango cha juu akiwa na Liverpool lakini mambo
yalianza kumwendea kombo baada ya kuondoka kwenye klabu hiyo .
Habari toka huko nchini Hispania zinasema kuwa wawakilishi wa pande
zote zinazohusika kwenye makubaliano haya walikutana siku ya jumamosi na
ufanya mazungumzo ambayo yaliashiria makubaliano ya msingi juu ya
usajili wa wachezaji hawa wawili (Torres na Cerci ) na inatarajiwa kuwa
mpaka kufikia jumanne (Dec 30) Torres atatambulishwa kuwa mchezaji mpya
wa Atletico Madrid.
Torres na kocha wa sasa wa Atletico Madrid Diego Simeone waliwahi kucheza pamoja kwenye klabu hiyo miaka kumi iliyopita .
Hii itakuwa mara ya pili kwa Fernando Torres kufanya kazi na Diego
Simeone baada ya wawili hawa kuwa pamoja kama wachezaji katika miaka ya
2000 wakati Torres alipokuwa anaanza maisha yake kama mshambuliaji
chipukizi kwenye kikosi cha Atletico Madrid .
tiko
Post a Comment